O‘zbekiston Respublikasi Prezidenti Shavkat Mirziyoyev 30-oktabr kuni Samarqand shahrida BMTning Ta’lim, fan va madaniyat masalalari bo‘yicha tashkiloti (UNESCO) Bosh konferensiyasi 43-sessiyasining ochilish marosimida ishtirok etdi.

Davlatimiz rahbari anjuman ishtirokchilarini madaniyatlar va sivilizatsiyalar chorrahasida joylashgan mehmondo‘st O‘zbekiston zaminida samimiy qutladi. Serbiya Prezidenti Aleksandr Vuchich, Slovakiya Prezidenti Peter Pellegrini, UNESCO Bosh direktori Odri Azule, xorijiy mamlakatlar hukumatlari rahbarlari, xalqaro va mintaqaviy tashkilotlar vakillariga, barcha delegatsiyalarga konferensiyada ishtirok etayotgani uchun chuqur minnatdorlik bildirdi.

Prezidentimiz so‘zining avvalida bu galgi sessiya so‘nggi 40 yilda birinchi marta UNESCOning Parij shahridagi bosh qarorgohidan tashqarida o‘tkazilayotganini ta’kidladi.

– Bunday nufuzli forumning mamlakatimizda o‘tkazilayotganini Tashkilotga a’zo davlatlarning Yangi O‘zbekistonda amalga oshirilayotgan keng ko‘lamli, jadal islohotlarga bo‘lgan yuksak ishonchining yorqin ifodasi deb qabul qilamiz, – dedi davlatimiz rahbari.

O‘zbekiston yetakchisi tashkilot o‘zining 80 yillik faoliyati davomida ta’lim, fan, madaniyat va axborot sohalarida global hamkorlikni, ishonch va hamjihatlikni mustahkamlashga ko‘maklashadigan nufuzli xalqaro institutga aylanganini qayd etdi.

Shu ma’noda, xalqlarning milliy o‘ziga xosligi, ularning madaniy merosini saqlab qolish, turli dinlar o‘rtasida yaqin muloqotni mustahkamlashda UNESCOning roli ortib borayotgani ta’kidlandi.

– Anjumanimiz insoniyatning tarix solnomasiga gumanistik g‘oyalar, nodir bilimlar, sivilizatsiyalararo muloqot markazi sifatida kirgan Samarqand shahrida o‘tkazilayotganida chuqur ramziy ma’no bor, – dedi mamlakatimiz yetakchisi.

Davlatimiz rahbari ilm-fan, adabiyot va madaniyat beshigi bo‘lgan Samarqandning buyuk merosini yodga oldi. Xususan, Kopernik va Kepler kashfiyotlariga asos bo‘lgan mashhur yulduzlar jadvali yaratilgan Mirzo Ulug‘bek rasadxonasini eslatib o‘tdi. Prezidentimiz mehmonlarni Buyuk ipak yo‘li durdonasi, tinchlik va xalqlar do‘stligi diyori bo‘lgan Samarqand ruhidan bahramand bo‘lishga chorladi.

Geosiyosiy keskinlik va harbiy nizolar noyob yodgorliklar va madaniy merosga ziyon yetkazayotgani, bilim va raqamli texnologiyalardan foydalanishdagi tafovut global tengsizlikni kuchaytirayotgani qayd etildi.

O‘zbekiston rahbari bunday murakkab sharoitda UNESСOning asosiy vazifalarini bajarish uchun birdamlikni mustahkamlash alohida ahamiyat kasb etishini ta’kidladi. O‘zbekiston tashkilotning ezgu maqsadlariga sodiqligini, konstruktiv hamkorlik uchun ochiq maydon sifatida Sharq va G‘arb, Shimol va Janub o‘rtasida ko‘prik bo‘lib xizmat qilishga tayyorligini yana bir bor tasdiqladi.

Bugungi kunda mamlakatimiz UNESCO bilan 2027-yilgacha mo‘ljallangan besh yillik hamkorlik dasturini amalga oshirmoqda. Uning doirasida buyuk mutafakkir va arboblar – Abu Rayhon Beruniy, Ahmad Farg‘oniy, Amir Temur, Ali Qushchi, Kamoliddin Behzod yubileylariga bag‘ishlangan tadbirlar o‘tkazildi, shuningdek, Xorazm Ma’mun akademiyasi kabi ilmiy muassasalar va adabiy yodgorliklar, jumladan, “Alpomish” dostonining tarixiy sanalari keng nishonlandi.

Butunjahon merosi shaharlari – Xiva, Buxoro, Shahrisabz va Samarqandga Zarafshon-Qoraqum yo‘lagi bo‘yidagi yodgorliklar qo‘shildi. G‘arbiy Tyan-shan va Turon cho‘llarining tabiiy hududlari mintaqaning o‘ziga xos bioxilma-xilligini aks ettiradi.

Prezidentimiz O‘zbekistonning yigirmaga yaqin nomoddiy merosi – “Shashmaqom”, Katta ashula, “Lazgi” raqsi, askiya san’ati, miniatyura, Navro‘z bayrami, atlas va adras to‘qish an’analari UNESCO e’tirofiga sazovor bo‘lganini eslatdi. Tashkilot shafeligida "Sharq taronalari", maqom san’ati, baxshichilik, hunarmandchilik va etnosport festivallari o‘tkazib kelinmoqda.

O‘zbekiston tashabbusi bilan ilgari surilgan “Xiva jarayoni: Markaziy Osiyoda xalqaro hamkorlikni rivojlantirish” rezolyutsiyasi, “Kichik yoshdagi bolalarga g‘amxo‘rlik qilish va ta’lim berish bo‘yicha Toshkent deklaratsiyasi” hamda “Axborotdan erkin foydalanish xalqaro kuni munosabati bilan Toshkent deklaratsiyasi” kabi hujjatlarga alohida e’tibor qaratildi.

Mamlakatimizda UNESCOning kafedralari va hamkor maktablari faoliyat yuritmoqda, Toshkent va Farg‘ona shaharlari Ta’lim shaharlari global tarmog‘iga kiritilgan. Shuningdek, yuzlab madaniy meros obyektlari zamonaviy texnologiyalar va xalqaro standartlar asosida restavratsiya qilindi.

Prezidentimiz Samarqand konferensiyasi doirasida qo‘shimcha tadbirlar – Buxoroda zamonaviy san’at biyennalesi, Toshkentda Maktabgacha ta’limni rivojlantirish mintaqaviy markazi ochilishi, Abu Rayhon Beruniy nomidagi UNESCO – O‘zbekiston xalqaro mukofotini topshirish marosimi, muzeylar sohasida sun’iy intellektni qo‘llash masalalari bo‘yicha konferensiya o‘tkazilayotganini ma’lum qildi. Shuningdek, O‘zbekiston oliy ta’lim sohasidagi kvalifikatsiyalarni tan olishga oid Global konvensiyaga qo‘shiladi.

Davlatimiz rahbari UNESCO faoliyatining asosiy yo‘nalishlarini rivojlantirishga qaratilgan tashabbuslarni ilgari surdi.

Inklyuziv ta’limni rivojlantirish va sun’iy intellekt texnologiyalaridan foydalanish ustuvor yo‘nalish ekani ta’kidlandi. Prezidentimiz UNESCOning alohida ehtiyojli bolalar uchun inklyuziv ta’limni rivojlantirish platformasini yaratish va Jahon professional ta’lim sammitini o‘tkazishni taklif qildi. O‘zbekiston UNESCO shafeligida “Sun’iy intellekt – maktab” pilot loyihasini amalga oshirish va Sun’iy intellekt etikasi bo‘yicha xalqaro ekspertlar forumini tashkil etishga tayyor.

O‘zbekiston yetakchisi nomoddiy madaniy merosni asrab-avaylash zarurligini ta’kidladi. Xalq og‘zaki ijodi, qo‘lyozmalar, arxivlar va qimmatli tarixiy hujjatlar, madaniy ma’lumotlar kabi noyob meros obyektlarini muhofaza qilish va ulardan foydalanish imkoniyatini ta’minlash maqsadida ta’sis etilgan UNESCOning “Jahon xotirasi” dasturini rivojlantirishdan manfaatdorlik bildirildi.

19-noyabr sanasini Xalqaro hujjatli meros kuni deb e’lon qilish, shuningdek, UNESCO tuzilmasida Raqamli meros xalqaro institutini tashkil etish tashabbusi ilgari surildi.

Davlatimiz rahbari 2027-yilda Buxoroda UNESCOning ijodiy shaharlar tarmog‘i doirasida Hunarmandchilik va xalq amaliy san’ati bo‘yicha xalqaro kongress o‘tkazishni taklif etdi.

Prezidentimiz gender tenglikni ilgari surish va xotin-qizlarning yetakchilik qobiliyatini rivojlantirish maqsadida UNESCOning Xotin-qizlar yetakchiligi akademiyasini tashkil etish hamda Samarqandda dunyoning barcha qit’alaridan taniqli tadqiqotchilar, san’at namoyandalari, pedagoglar va novatorlar ishtirokida Ta’lim, madaniyat va ilm-fan sohalaridagi xotin-qizlarning global forumini o‘tkazish tashabbusini ilgari surdi.

Iqlim inqiroziga qarshi birgalikda samarali kurashish ham dolzarb masala sifatida qayd etildi.

Davlatimiz rahbari iqlim o‘zgarishi madaniy merosga salbiy ta’sir ko‘rsatayotganini ta’kidlab, “UNESCOning ekologik poytaxti” global tashabbusini ta’sis etish, shuningdek, UNESCO Ijroiya kengashining globallashuv va iqlim o‘zgarishi sharoitida madaniy merosni asrash to‘g‘risidagi rezolyutsiyasini ishlab chiqishni taklif etdi. O‘zbekiston Xiva shahrida shu mavzuda xalqaro simpozium o‘tkazishga tayyorligini bildirdi.

Virtual makonda noto‘g‘ri ma’lumotlar tarqalishiga qarshi kurashish, jamoatchilik fikrini himoya qilish va kamsitishlarga qarshi kurashish ham ustuvor yo‘nalishlar qatorida. Prezidentimiz Bolalar madaniy kontenti xalqaro festivalini o‘tkazish va UNESCOning mediasavodxonlikni rivojlantirish bo‘yicha kompleks strategiyasini ishlab chiqishni taklif etdi.

Davlatimiz rahbari dinlararo hamjihatlikni mustahkamlash, radikalizm va islomofobiyaga qarshi kurashish, islom madaniyati va ma’rifatini butun dunyoda tarannum etish kerakligini ta’kidladi: “Bag‘rikenglik, o‘zaro tushunish va totuvlik kabi umuminsoniy g‘oyalarni keng targ‘ib etish har qachongidan ham muhim”.

O‘zbekistondagi noyob loyihalar – Islom sivilizatsiyasi markazi, Imom Buxoriy, Imom Moturidiy, Imom Termiziy va Bahouddin Naqshband ilmiy-tadqiqot markazlari salohiyatidan faol foydalanish taklif etildi.

O‘zbekiston Prezidenti forum hamkorlikning yangi yo‘nalishlarini belgilash, o‘zaro ishonch va global sheriklikni mustahkamlash, barqaror taraqqiyotni ilgari surishda muhim qadam bo‘lishiga ishonch bildirdi.

– UNESCOning boqiy an’ana va qadriyatlaridan kuch olayotgan “Samarqand ruhi” umumiy taraqqiyot sari yanada birlashishga undaydi, – dedi Shavkat Mirziyoyev.

So‘zining yakunida davlatimiz rahbari anjuman ishtirokchilariga muvaffaqiyat va samarali faoliyat tilab, tadbirning tinchlik, do‘stlik va o‘zaro anglashuv timsoli bo‘lgan Samarqand shahrida o‘tayotgani ramziy ma’noga ega ekanini ta’kidladi.

Bu O‘zbekistonning yuksak xalqaro nufuzi va sivilizatsiyalar muloqotini rivojlantirish, o‘zaro anglashuvni mustahkamlash hamda insoniyat madaniy merosini asrab-avaylashga qo‘shayotgan hissasini tasdiqlaydi.

Ochilish marosimi yakunida O‘zbekiston va xorij san’at ustalari tomonidan tayyorlangan konsert dasturi namoyish etildi. Unda simfonik orkestr, xor jamoasi va milliy ansambl ijrosida o‘zbek mumtoz kuy-qo‘shiqlari va jahon musiqasining sara asarlari zamonaviy talqinda yangradi.

Yandex Maps ilovasida Toshkent, Buxoro, Samarqand va Xivaning me’moriy yodgorliklarining 2D o‘lchamli modellari paydo bo‘ldi. Tasavvur qiling: endi Registon maydoni, Hazrati Imom majmuasi, Labi Hovuz va hatto Kalta-Minor minorasini virtual tarzda har tomondan ko‘rish mumkin.

Bunday modellar sayyohlarga mashhur joylarimiz bilan yaqindan tanishish, sayohat yo‘nalishlarini rejalashtirish va fotosuratlar uchun yaxshi rakurslarni topishda yordam beradi. O‘zim ham ularni har tomondan ko‘rishdan qiziqib oldim — har bir 27 ta 2D model aniq ishlangan: ranglar, yozuvlar, soyalar… Tungi rejimda esa binolar va yodgorliklarda yoritish paydo bo‘lib, shaharning kechki muhitini realistik tarzda yaratadi.

2028-yilgacha mehmonxonalar, restoranlar va umumiy ovqatlanish korxonalari to‘langan qo‘shilgan qiymat solig‘ining (QQS) bir qismini qaytarib oladi. Mazkur qaror Vazirlar Mahkamasining 7 noyabrdagi qarori bilan tasdiqlandi va qaytarish tartibi Lex.uz saytida e’lon qilindi.

QQSni qaytarish dasturi haqida prezident avgust oyida tadbirkorlar bilan ochiq muloqot chog‘ida ma’lum qilgan edi. Soliq qoʻmitasiga 20-noyabrgacha qoʻshilgan qiymat soligʻini qaytarish boʻyicha arizalarni koʻrib chiqishning avtomatlashtirilgan tizimini ishlab chiqish topshirildi.

Yangi qoidalarga ko‘ra, 1 oktyabrdan mehmonxonalar va turoperatorlar to‘langan QQSning 20 foizini oladi. Restoranlar va kafelar uchun to'lov miqdori naqd pulsiz to'lovlar ulushiga bog'liq bo'ladi: agar u 60% dan kam bo'lsa, qaytarib berish 20%, agar ko'p bo'lsa - 40% bo'ladi. Imtiyozni olish uchun ushbu faoliyat turlaridan olingan daromadning korxona umumiy daromadidagi ulushi kamida 90%, turoperatorlar uchun esa kamida 80% xorijiy valyutada bo'lishi kerak.

Daromadning haqiqiy ulushini aniqlash uchun cheklar va elektron schyot-fakturalar ma'lumotlari, shuningdek, soliq organlari tomonidan avtomatlashtirilgan tizim yordamida tekshiriladigan IKPU kodlari qo'llaniladi. Shundan so‘ng soliq organlari bir ish kuni ichida xulosa tayyorlab, G‘aznachilikka taqdim etadilar. Mablag‘lar tadbirkorning asosiy bank hisob raqamiga o‘tkaziladi.

Ushbu choralar 2028-yil 1-yanvargacha amal qiladi.

Bundan tashqari, QQS tizimiga o‘tgan umumiy ovqatlanish korxonalariga endilikda jismoniy shaxslardan qishloq xo‘jaligi mahsulotlarini naqd pulga sotib olishga ruxsat berildi. Bunda xaridor soliq to‘lovchining shaxsiy kabineti yoki Soliq ilovasi orqali IKPU kodlari, mahsulot miqdori va narxi, shuningdek, sotib olingan sanani ko‘rsatgan holda elektron xarid dalolatnomasini rasmiylashtirishi shart. Harakatning yo'qligi soliq to'lashdan bo'yin tovlash sifatida baholanadi.

Elektron chiptalar xarid qilish soni ko‘paymoqda

Mamlakatimizda elektron chiptalarga bo‘lgan talab oshgani va IT texnologiyalaridan foydalanish ko‘paygani haqida ma'lumot juda qiziqarli. 2024-yilning yanvar-avgust oylarida “O‘ztemiryo‘lyo‘lovchi” AJ yo‘lovchi poyezdlariga sotilgan 2 354 100 elektron chipta, ulardan 76,7% mahalliy yo‘nalishlarga to‘g‘ri kelishi, aholi orasida onlayn xizmatlarga bo‘lgan qiziqish ortayotganini ko‘rsatadi. 

Bundan ko‘rinib turibdiki, mamlakatimizda IT (informatsion texnologoyalar) ga bo‘lgan talab kuchayib, aholi o‘z ishlarini axborot-kommunikatsiya vositalari orqali amalga oshirmoqda. Yuqoridagi sonlar esa yo‘lovchilarning asosiy qismi mahalliy yo‘nalishdagi poyezdlarda sayohatni amalga oshirayotganini ko‘rsatmoqda. 

Agar siz ham vaqt va pulni tejashni xohlasangiz, poyezd chiptalarini onlayn tarzda, ya'ni eticket.railway.uz veb-sayti yoki Uzrailwaystickets mobil ilovalari orqali xarid qilishingiz mumkin. 

Manba: “O‘ztemiryo‘lyo‘lovchi” AJ matbuot xizmati

Ushbu liniya yo'lni atigi 1 soat 26 daqiqada bosib o'tadi, bu hozirgi sayohat vaqtidan deyarli ikki baravar tezroq.

2025-yil oxirida mamlakatga oltita yangi Hyundai Rotem poyezdlari kela boshlaydi - ular kelajakdagi liniyada ishlaydigan poyezdlar bo'ladi.

Kelajakdagi avtomagistralning asosiy tafsilotlari:

Liniya yangi Toshkent xalqaro aeroportidan o'tadi, bu samolyotlar va poyezdlar o'rtasida tezkor o'tishni osonlashtiradi;

Yakuniy manzil Samarqand markazi bo'ladi;
Liniya yo'lovchilar va yuk tashishni butunlay ajratadi, bu esa mavjud tarmoqdagi kamchilikdir.
Uchta mumkin bo'lgan yo'nalish variantlari taqdim etilgan:

1-variant (asosiy):

282 km;
Sayohat vaqti: 1 soat 26 daqiqa;

O'rtacha tezlik: 185,7 km/soat;

74 ta ko'prik, 3 ta tunnel (8,9 km);

2-variant:

291,7 km;
1 soat 33 daqiqa;
O'rtacha tezlik: 179,4 km/soat;

82 ta ko'prik, 1 ta tunnel (16 km).
3-variant:

302,3 km;

1 soat 45 daqiqa;
O'rtacha tezlik: 166,9 km/soat;

105 ta ko'prik, 2 ta tunnel (9,6 km).
Qaysi variant tanlanishi yakuniy tahlildan so'ng aniqlanadi.

O‘zbekiston Respublikasi "Hunarmand" uyushmasi va Namangan viloyati hokimligi tashabbusi bilan Namangan shahrida "Yog‘och o‘ymakorligi san’ati" hunarmandchilik festivali o‘tkazildi.

Tadbirda so‘zga chiqqan "Hunarmand" uyushmasi raisi Rasuljon Mirzaahmedov ushbu "Yog‘och o‘ymakorligi san’ati" festivali vodiyda ilk bor o‘tkazilayotganligini ta’kidladi.

Festival doirasida Namangan, Andijon va Farg‘ona viloyatlaridan kelgan 50 nafardan ortiq hunarmandlar o‘z shogirdlari bilan murakkab naqshlar va ramzlar bilan bezatilgan eshiklar, ustunlar, mebellar va interer buyumlarini namoyish etishdi. Bu asarlar nafaqat estetik go‘zallik, balki chuqur ma’naviy va madaniy an’analarni ifoda etuvchi ornamentlar orqali yaratilgan.

Festival mahalliy aholi va mehmonlarga hunarmandchilik san’atining boy an’analari bilan tanishish imkonini taqdim etdi.

       Nurotada "SO‘ZANA VA KASHTA" festivali bo`lib o`tadi!

       Joriy yilning 14-sentabr kuni soat 10:00 da Nurota tumanidagi "Chashma" ziyoratgohi bog‘ida "So'zana va kashta" milliy hunarmandchilik san'ati festivali bo'lib o'tadi!
      
Dasturda folklor jamoalarining chiqishlari, musiqiy konsert dasturlari hamda milliy kurash musobaqasi, dorboz o‘yinlari, tosh ko‘tarish, arqon tortish va boshqa xalq o‘yinlariga ham keng o‘rin ajratilgan. Festival yakunida eng yaxshi ishtirokchi (hunarmandlar)  munosib taqdirlanadi.

Prezident Farg‘ona viloyatida turizm va turdosh sohalarda loyihalar ishlab chiqish bo‘yicha ko‘rsatmalar berdi.

Shavkat Mirziyoyev Farg‘ona viloyatini ijtimoiy-iqtisodiy rivojlantirish masalalariga bag‘ishlangan yig‘ilish o‘tkazdi.

Prezident sayyohlik xizmatlarini rivojlantirish uchun qator imkoniyatlar, jumladan, Qirg‘iziston bilan chegaradan o‘tishni soddalashtirilgan tarzda o‘tkazish to‘g‘risidagi kelishuvga alohida e’tibor qaratdi. 2023 yilda Shohimardon va Yordan anklavlariga 400 mingdan ortiq xorijlik tashrif buyurdi.

Biroq “Vodil” va “Aq-qiya” chegara o‘tish joylari maqomidan kelib chiqib, endilikda sayyohlar O‘sh orqali aylanma yo‘nalish bo‘yicha bu joylarga borishga majbur. Muammoning hal etilishi ularda 100 million dollarlik loyihalarni amalga oshirish imkonini beradi.

Karkidon suv ombori yaqinida ekoturistik majmua loyihasini yaratish topshirildi. Bu yerda zamonaviy mehmonxona, dam olish maskani, 100 dan ortiq savdo, xizmat ko‘rsatish va ko‘ngilochar obyektlar barpo etilishi kutilmoqda.

Suv ombori yaqinidagi 1,6 ming gektar bo'sh erlarda siz gilos, shaftoli va o'rik bog'larini ekishingiz mumkin. Bundan tashqari, Katta Dehqonobod mahallasida intensiv baliqchilikni tashkil etish taklif etilmoqda.

Farg‘ona-Andijon avtomobil yo‘li bo‘yida Quva viloyatida umumiy qiymati 40 million dollarlik savdo va xizmat ko‘rsatish ob’ektlarini yaratish imkoniyati qayd etildi. Prezidentimiz hududning bosh rejasini ishlab chiqish va uni har tomonlama rivojlantirish bo‘yicha ikki yillik dastur ishlab chiqish vazifasini qo‘ydi.

Shuningdek, Quva shahrida ochiq osmon ostidagi “Shahriston quboshi” muzeyini tashkil etish rejalashtirilgan. Toshkent - Andijon poyezdi shaharda to‘xtaydi.

Bundan tashqari, Prezident 15 iyuldan Qo‘qondan Toshkentga har kuni, Samarqand va Buxoroga har hafta muntazam qatnovlarni yo‘lga qo‘yish bo‘yicha topshiriq berdi.

Tepaqo‘rg‘on arxeologik yodgorligi atrofida turistik marshrut yaratish uchun 10 milliard so‘m ajratiladi. Qo‘qon universitetida turizm fakultetiga xorijiy ta’lim dasturlarini joriy etish vazifasi yuklatildi.

Marg‘ilon shahrida beshta yangi mehmonxona, “Maqoma” teatri va 50 dan ortiq savdo va xizmat ko‘rsatish shoxobchalari ochilishi, “Pichoqchi” mahallasida sayyohlik zonasi tashkil etilishi rejalashtirilgan. Shahar hokimiga 300 million dollardan ortiq sarmoya jalb etish vazifasi yuklatildi.

https://www.spot.uz/ru/2024/07/12/kokand-flights/

Butunjahon turizm tashkiloti (BMT Turizm) tomonidan e’lon qilingan so‘nggi tahliliy ma’lumotlarga (World Tourism Barometer) ko‘ra, O‘zbekiston 2025-yilning yanvar-sentyabr oylarida xorijiy sayyohlarni jalb qilish bo‘yicha dunyo miqyosida eng yuqori o‘sish qayd etilgan TOP-7 davlatlar qatoriga kirdi. Xususan, mamlakatga tashrif buyurgan xalqaro turistlar oqimi 2019-yil darajasiga nisbatan 73 foizga oshib, O‘zbekistonning global turizm makonidagi mavqei izchil mustahkamlanib borayotganini ko‘rsatdi.

Mazkur natijalar Yevropa mintaqasi doirasida ham O‘zbekiston turizmiga berilayotgan ijobiy baholarning yaqqol ifodasi bo‘ldi. BMT Turizm reytingiga muvofiq, 2019-yilga nisbatan turistlar sonining o‘sish sur’atlari bo‘yicha O‘zbekiston Yevropa mintaqasining eng yaxshi natija qayd etgan davlatlari qatoridan 2-o‘rinni oldi. 2025-yilning dastlabki to‘qqiz oyida O‘zbekistonga kelgan xalqaro turistlar soni 2024-yilga nisbatan 13 foizga oshdi, natijada mamlakat Yevropa mintaqasida eng yuqori o‘sish qayd etgan TOP–4 turistik yo‘nalishlar qatoriga kiritildi.

BMT Turizm hisobotida qayd etilishicha, 2025-yil yanvar–sentyabr oylarida jahon bo‘yicha xalqaro sayohatlar hajmi o‘rtacha 5 foizga oshib, global turizm pandemiyadan keyingi barqaror tiklanish bosqichiga kirgan. Ushbu umumiy ijobiy tendensiyalar fonida O‘zbekistonning natijalari mamlakatda olib borilayotgan uzoq muddatli va izchil siyosatning amaliy samarasini namoyon etmoqda.

Global tendensiyalar fonida O‘zbekiston sayyohlik faolligining yanada ta’sirchan o‘sishini ko‘rsatmoqda. 2025-yilda mamlakat o‘z rekordlarini yangiladi: dastlabki 11 oyda 10,7 milliondan ortiq xorijiy sayyoh tashrif buyurdi, aprel oyidan boshlab esa tarixda birinchi marta har oyda milliondan ortiq sayyoh kelmoqda. Turistik xizmatlar eksportidan olingan daromadlar 4,4 milliard dollardan oshdi. Bu nafaqat tiklanishni, balki boshqa ko‘plab yo‘nalishlarga nisbatan ilg‘or o‘sishni ham ko‘rsatadi.

O‘zbekistonga sayyohlar oqimining ko‘payishi viza rejimini kengaytirish, transport qulayligini oshirish va faol xalqaro marketing siyosati bilan bog‘liq. Yangi mehmonxonalar, sayohat kompaniyalari va turizm mutaxassislari soni sezilarli darajada oshdi, bu esa mamlakat infratuzilmasini mustahkamlaydi va uni jahon sayohat bozorida yanada raqobatbardosh qiladi.

Samarqand, Buxoro va Xiva kabi an’anaviy tarixiy markazlardan tashqari, ekologik va gastronomik turizmga bo‘lgan qiziqish ham ortib bormoqda. Bu esa mamlakatning sayyohlik takliflarining xilma-xillashuvini ko‘rsatmoqda. Uzoq xorijdan kelayotgan sayyohlar sonining ko‘payishi O‘zbekistonning mintaqaviy yo‘nalish chegaralaridan chiqib, global turizmda o‘z o‘rnini mustahkamlayotganidan dalolat beradi. Bu yutuqlar BMT Turizm barometrida tasvirlangan global tendensiyalar doirasida turizm sohasining yanada rivojlanishi uchun qulay istiqbollarni yaratmoqda.

Xonadonida qiziqarli tushlik qilib beradi

Laylo Rajabova Mehmonlarni kutish boʻyicha bir necha yillik tajribaga ega.

 

• 1-taom

• Noʻxatshoʻrak

  

  No’xatsho’rak ko’pchilikning sevimli taomlaridan biri bo’lib, uni asosan Samarqad viloyatida keng tayyorlashadi. No’xatsho’rakdagi no’xatlar bir kechaga ivitib qo’yiladi va kun bo’yi qaynatib pishiriladi. Qarabsizki, undagi qo’y go’shti va no’xat tobida yetilib pishadi va og’zingizda erib ketadi.

• 2-taom

• Kesma lagʻmon

  

  Ushbu lag‘mon haqiqiy o‘zbek pazandaligiga xos bo‘lib, juda qadim davrlarda kelib chiqqan. G‘oyat to‘q tutar va serlazzat bo‘lib, mehmon dasturxoniga qo‘ysa arzigulik taom. Yilning to‘rtala faslida ham tayyorlasa bo‘ladi. Bunday lag‘mon Farg‘ona vodiysida ko‘proq tayyorlanadi. Kesma lag‘monning tayyorlanishi quyidagicha: xamirni xuddi chuchvaraga tayyorlagandek qilib qoriladi, tindirib, so‘ng o‘qlov yordamida 2-3 mm qilib yoyiladi. Yoymani taxlab eni 4-5 mm ke

🔥 Jizzax turizm boshqarmasi ma`lumotlariga ko`ra, 2024 yilning o‘tgan davri dovomida 26 ta, 504 o‘rinli joylashtirish vositalari ishga tushdi, shundan,  2 ta (mexmonxona) , 11 ta xostel, 12 ta  oilaviy mehmon uyi va  1 ta dam olish zonasi   faoliyati yo‘lga qo‘yildi. (yillik reja 26 ta yillik reja 100%)ga bajarildi.

Bugungi kunda xorijiy sayohlarni to‘liq joylashtirish quvvatiga ega bo‘ldik. Ma’lumot uchun, 281 ta joylashtirish vositalari, shundan:
🏦26 ta mehmonxona
🏕22 ta kemping
🏘180 ta oilaviy mehmon uyi 
🏠29 ta xostel
🏡2 ta dam olish maskani 
🏚3 ta yotoqxoni 
⛺️11 ta oromgoh hamda 9 ta sanatoriya joylashtirish vositalari tashkil etildi.
 

Fly Khiva aviakompaniyasi Icelandairdan lizing asosida ikkita Boeing 757-300 yo'lovchi samolyotini olgandan so'ng, dekabr oyida Toshkentdan O'zbekistonning besh shahriga parvozlarni boshlashni rejalashtirmoqda.
Fly Khiva direktori Dilshod Xodjaev 9 noyabr kuni biznes nonushtada aytganidek, kompaniya dastlab 2021 yilda ichki reyslarni yo‘lga qo‘yishni rejalashtirgan, biroq bu joyni Silk Avia egallagan va Fly Khiva yuk tashishga e’tibor qaratgan. Joriy yilda yo‘lovchi tashish xizmatlarini yo‘lga qo‘yish rejalashtirilmagan, biroq Icelandair kompaniyasining 22 yoshdan oshgan ikkita Boeing 757-300 samolyotini ijaraga berish taklifi rejalarni o‘zgartirishga imkon berdi.

Fly Khiva aviakompaniyasi Toshkentdan Urganch, Nukus, Termiz, Farg‘ona va Namangan, xalqaro yo‘nalishlar orasida Saudiya Arabistoni, BAA, Qatar, Misr, Isroil, Gretsiya, Hindiston, Tailand, Ozarbayjon, Qozog‘iston, Qirg‘iziston, Xitoy va Latviyaga reyslarni tashkil etish niyatida. ko'rib chiqilmoqda. Dastlab kompaniya charter tashuvchi sifatida ishlaydi.

Samolyotlar xizmat ko‘rsatishning ikki toifasiga ega: biznes (22 o‘rin) va ekonom (203 o‘rin). Bepul yuk tashish normasi 23 kg, qo'l yuki - 10 kg. Saudiya Arabistonidan uchayotgan yo‘lovchilarga qo‘shimcha 5 kg yuk olib yurishga ruxsat beriladi.

Fly Khiva aviakompaniyasi 2021-yilda Xivada fuqarolik, yuk va biznes aviatsiyasini rivojlantirish maqsadida tashkil etilgan. 2022-yil aprel oyida kompaniya Ozarbayjon aviakompaniyasi AZAL bilan birgalikda Boku – Toshkent yo‘nalishini ishga tushirdi. 2024-yil yanvar oyida Fly Khiva o‘zining birinchi samolyoti – Icelandair’dan ijaraga olingan Boeing 767 yuk tashuvchi samolyotini qabul qilib oldi, u Dubay, Istanbul, Dehli va Gonkongga parvoz qiladi.

Foto: Sierra Aviation Photography / Planespotters.net

Hurmatli delegatsiyalar rahbarlari!

Avvalambor, Rossiya Federatsiyasi Prezidenti hurmatli Vladimir Vladimirovich Putinga mehmondoʻstlik va bugungi uchrashuvimizni aʼlo darajada tashkil etgani uchun bildirilgan minnatdorlik soʻzlariga qoʻshilaman.

Belarus tomonining, Belarus Respublikasi Prezidenti Aleksandr Grigoryevich Lukashenkoning Yevroosiyo iqtisodiy ittifoqiga samarali raisligini alohida qayd etmoqchiman. Bu davrda koʻp tomonlama amaliy hamkorlik yangi surʼat kasb etdi.

Global bozorlarning tobora parchalanib borayotgani, logistika zanjirlarining murakkablashayotgani va investitsiya resurslarini taqsimlashda ustuvor yoʻnalishlarning oʻzgarayotgani sharoitida biz uchun strategik va tabiiy sheriklarimiz boʻlgan Yevroosiyo iqtisodiy ittifoqi mamlakatlari bilan pragmatik va oʻzaro manfaatli hamkorlikni chuqurlashtirish prinsipial ahamiyat kasb etmoqda.

Hurmatli yig‘ilish ishtirokchilari!

Kuzatuvchi davlat maqomidagi hamkorlikning soʻnggi toʻrt yilida Oʻzbekistonning YOII mamlakatlari bilan tashqi savdo aylanmasi qariyb ikki barobar oshdi.

Iqtisodiy aloqalar tarkibida yuqori qoʻshilgan qiymatli mahsulotlar ulushi ortib borayotgani, kooperatsiya loyihalari kengayib borayotgani barqaror surʼat koʻrsatayotgani ayniqsa muhimdir.

Bu hamkorlarimiz ishlab chiqarish zanjirlarini mustahkamlashdan chinakam manfaatdorligini aks ettiradi.

Oʻzbekiston Yevroosiyoning asosiy formatlarida faol ishtirok etmoqda.

Yevroosiyo iqtisodiy komissiyasi bilan savdo, sanoat, moliya, agrar sanoat va transport sohalarida 40 ga yaqin aniq tadbirlarni oʻz ichiga olgan uch yillik reja amalga oshirilmoqda.

Qoʻshma Ishchi guruh formatidagi ishlar davom etmoqda: uning beshinchi yigʻilishini kelgusi yilda Toshkent shahrida oʻtkazishni rejalashtirmoqdamiz.

Shuningdek, YOIIning elektron savdoni rivojlantirish, yuk tashishni raqamlashtirish va iqlim oʻzgarishiga qarshi kurashish boʻyicha tarmoq dasturlarida ishtirok etmoqdamiz.

Oʻzbekiston va YOII bojxona chegaralari orqali olib oʻtiladigan tovarlar va transport vositalari toʻgʻrisida axborot almashish toʻgʻrisida bitim tuzish boʻyicha muzokaralarni boshlash haqidagi qaror qabul qilinganini olqishlaymiz.

Ishonchimiz komilki, transchegaraviy maʼlumotlar almashinuvi bojxona nazorati samaradorligini oshirish, kechikishlarni kamaytirish va transport tizimlarimizning Yevroosiyo yoʻlaklariga integratsiyalashga xizmat qiladi.

Oʻzbekistonning Yevroosiyo taraqqiyot bankiga qoʻshilishi hamkorlikni mustahkamlashda muhim bosqich boʻldi. Bank bilan birgalikda infratuzilma, energetika, metallurgiya, kimyo va boshqa tarmoqlarda istiqbolli loyihalar portfeli shakllantirildi.

Hurmatli hamkasblar!

YOII bilan hamkorlikni kengaytirish borasidagi ustuvor yoʻnalishlarimizni qisqacha aytib oʻtmoqchiman.

Birinchi. Savdo toʻsiqlarini bosqichma-bosqich bartaraf etish asosiy vazifa boʻlib qolmoqda.

Texnik jihatdan tartibga solish, sanitariya va fitosanitariya meʼyorlari borasidagi yondashuvlarni yaqinlashtirish maqsadida MDH va YOII institutlari oʻrtasidagi muvofiqlashtirishni faollashtirish zarur deb hisoblaymiz.

Ortiqcha tartib-taomillarni bartaraf etish va talablarni birxillashtirish boʻyicha “yoʻl xaritasi”ni ishlab chiqish maqsadga muvofiq.

Texnik jihatdan tartibga solish, sertifikatlash va bojxona maʼmuriyatchiligidagi tafovutlar bilan bogʻliq masalalarni tezkor hal etish maqsadida tarif va notarif toʻsiqlar boʻyicha “Oʻzbekiston – YOII” qoʻshma muvofiqlashtiruvchi guruhini tuzishni taklif etamiz.

Ikkinchi. Sanoat kooperatsiyasini rivojlantirishga alohida eʼtibor qaratmoqdamiz.

Mashinasozlik, energetika, agrosanoat majmui, kimyo va boshqa tarmoqlardagi loyihalar roʻyxatini birgalikda shakllantirish zarur.

Oʻzbekistonning YTTBga qoʻshilishi munosabati bilan sheriklikning strategik yoʻnalishlarini birgalikda belgilab olish hamda ustuvor infratuzilmaviy va “yashil” loyihalarni, kichik va oʻrta biznesni qoʻllab-quvvatlashni qamrab olgan “yoʻl xaritasi”ni ishlab chiqish maqsadga muvofiqdir.

Ishonchimiz komilki, Bank nafaqat moliyalashtirish manbai, balki integratsiya loyihalariga investitsiyalarni jalb qilish katalizatoriga aylanishi mumkin.

Uchinchi. Raqamli texnologiyalar sohasidagi hamkorlikni kuchaytirish niyatidamiz.

Raqamli platformalarni, jumladan, elektron tijorat va raqamli markirovkalashni oʻzaro bogʻlash boʻyicha YOIK bilan “yoʻl xaritasi”ni tayyorlashni taklif etamiz.

Bojxona maʼmuriyatchiligini raqamlashtirish va yuk tashishning “choksiz” modeliga oʻtishni ham ustuvor vazifa sifatida koʻryapmiz.

Toʻrtinchi. Biz YOIIning biotibbiyot, yangi materiallar, agrotexnologiyalar, energetika va robototexnika kabi yoʻnalishlarni qamrab oluvchi texnologik platformalariga qoʻshilishdan manfaatdormiz.

Beshinchi. Turizm sohasida integratsiyalashgan axborot resursini shakllantirishga ham qoʻshilishga tayyormiz.

Bunday yondashuv mamlakatlarimiz turistik mahsulotlarining oʻzaro bogʻliqligini taʼminlash imkonini beradi.

Hurmatli doʻstlar!

Oʻzbekiston YOII bilan amaliy hamkorlikni yanada kengaytirish tarafdoridir.

Fursatdan foydalanib, Qozogʻiston Respublikasi Prezidenti hurmatli Qasim-Jomart Kemelevich Toqayevga Birlashmaga raislik Qozogʻistonga oʻtishi munosabati bilan muvaffaqiyatlar tilayman.

Barchangizni va birodar xalqlarimizni kirib kelayotgan Yangi yil bilan yana bir bor samimiy tabriklab, tinchlik-osoyishtalik, farovonlik va ravnaq tilayman.

Eʼtiboringiz uchun rahmat.

Manba: https://president.uz/oz/lists/view/8822

Bugun biz uchun muhim va tom ma’noda tarixiy kun. Hindistonning Nyu-Dehli shahrida bo‘lib o‘tayotgan Nomoddiy madaniy merosni muhofaza qilish bo‘yicha hukumatlararo qo‘mitaning 20-sessiyasida Qoraqalpog‘istonning ikkita betakror madaniy qadriyati – qo‘biz va o‘tov YUNESKOning Nomoddiy madaniy meros ro‘yxatiga rasman kiritilganini iftixor bilan ma’lum qilaman.

Ushbu xalqaro miqyosdagi e’tirof an’analarimizning naqadar teranligi, ma’naviy merosimizning qudrati va avlodlar o‘rtasidagi uzviy bog‘liqlikni tasdiqlaydi.

Boy merosimizni asrab-avaylash va targ‘ib etishga hissa qo‘shgan barcha mohir ustalar, tadqiqotchilar, an’analarimiz himoyachilari hamda ixlosmandlarga minnatdorchilik bildiraman.
Bu madaniyatimizga daxldor barchaning g‘alabasidir! Biz esa o‘zligimizni bemisl qiluvchi qadriyatlarimizni ko‘z qorachig‘idek saqlagan holda olg‘a qadam tashlashda davom etamiz.

Mamlakatimizning turizm salohiyatini Osiyo bozorlarida keng ko‘lamda targ‘ib qilish maqsadida yurtimiz turizm sohasi vakillari  tomonidan Yaponiyaning Tokio shahrida 2024-yil 26-29-sentyabr kunlari bo‘lib o‘tadigan “Tourizm EXPO Japan 2024” ko‘rgazmasida  ishtirok etish, shuningdek, O‘zbekiston milliy stendini namoyish qilish rejalashtirilmoqda. Ushbu nufuzli xalqaro turizm ko‘rgazmasida ishtirok etishga shoshiling!
⏳Arizalar 15-iyulgacha qabul qilinadi 

Manba: https://www.t-expo.jp/en

🔥 Jizzax turizm boshqarmasi ma`lumotlariga ko`ra, 2024 yilning o‘tgan davri dovomida 26 ta, 504 o‘rinli joylashtirish vositalari ishga tushdi, shundan,  2 ta (mexmonxona) , 11 ta xostel, 12 ta  oilaviy mehmon uyi va  1 ta dam olish zonasi   faoliyati yo‘lga qo‘yildi. (yillik reja 26 ta yillik reja 100%)ga bajarildi.

Bugungi kunda xorijiy sayohlarni to‘liq joylashtirish quvvatiga ega bo‘ldik. Ma’lumot uchun, 281 ta joylashtirish vositalari, shundan:
🏦26 ta mehmonxona
🏕22 ta kemping
🏘180 ta oilaviy mehmon uyi 
🏠29 ta xostel
🏡2 ta dam olish maskani 
🏚3 ta yotoqxoni 
⛺️11 ta oromgoh hamda 9 ta sanatoriya joylashtirish vositalari tashkil etildi.
 

✅Ertaga Samarqandda start oladigan 14-UNESCO Yoshlar Forumi oldidan, bugun forum ishtirokchilari qadimiy Registon maydonida madaniy sayohat amalga oshirmoqda.

✅Bu sayohat — nafaqat tarix bilan tanishuv, balki dunyoning 100 ga yaqin davlatlaridan kelgan yoshlar o‘rtasida do‘stlik, ochiq muloqot va hamjihatlik ruhini mustahkamlashga xizmat qilmoqda.

✅2025-yil 26–28-oktabr kunlari o‘tadigan Forum “Iqlim harakati va uning ijtimoiy ta’siri” mavzusiga bag‘ishlanib, global o‘zgarishlar jarayonida yoshlarning faol mavqeini kuchaytirishni maqsad qiladi.

✅Samarqand bugun — yoshlar birlashadigan, g‘oyalar va kelajak uchun ilhom uyg‘onadigan makondi

Namangan viloyatining Pop tumanida joylashgan Chodak qishlog‘iga “Turizm qishlog‘i” maqomi berildi.

Namangan viloyatining Pop tumanidagi Chodak qishlog‘iga “Turizm qishlog‘i” maqomi berilishi, uning turistik salohiyatini oshirish va mahalliy aholini ish bilan ta’minlashga xizmat qiladi. Hozirgi kunda Chodakda 300 oilaviy mehmon uyi, 4 ta dam olish maskani, 3 ta bolalar oromgohi, 2 ta xostel, 1 ta kemping, 30 ta gastronomik ob’ekt, to‘rtta 300 metr uzunlikdagi osma ko‘prik va 50 metr uzunlikdagi shishali osma ko‘prik mavjud. Shuningdek, sun’iy sharshara va 400 metr uzunlikdagi osma dor yo‘li kabi ekstrimal va ekoturizm ob’ektlari faoliyat yuritmoqda. Buning natijasida 1500 dan ortiq mahalliy aholi ish bilan ta’minlangan.

Tadbirda Turizm qo‘mitasi raisining o‘rinbosari Sardor Niyazov, viloyat hokimining o‘rinbosari Botir Nuritdinov va boshqa jamoatchilik vakillari ishtirok etdi. Tadbir davomida yangi zamonaviy mehmon uyining foydalanishga topshirilishi hamda Prezidentning 2021 yil fevral oyida Namangan viloyatiga tashrifi chog‘ida belgilangan topshiriqlar asosida 257 ta loyiha amalga oshirilayotgani ta’kidlandi.  Shu bilan birga Prezidentimizning 2021 yil fevral oyida Namangan viloyatiga tashrifi chog‘ida belgilagan topshiriqlari asosida O‘zbekiston Respublikasi Vazirlar Mahkamasining 2021 yil 28 apreldagi Chodak qishlog‘ini kompleks ijtimoiy-iqtisodiy rivojlantirish chora-tadbirlariga qaratilgan qaroriga asosan mazkur go‘shada 257 ta loyiha amalga oshirilmoqda.

Mamlakatimizda 9-14-sentyabr kunlari “Xon atlas” festivali bo‘lib o‘tmoqda

O‘zbekistonning “Xon atlas” festivali haqidagi xabaringiz juda qiziqarli va muhim. Ushbu festival milliy liboslar va an’analarni saqlash, ularni yanada rivojlantirishga qaratilgan ajoyib tadbirdir. “Xon atlas” festivalida O‘zbekistonning urf-odatlari, tarixiy qadriyatlari, va estetik qarashlari to‘liq aks ettiriladi, bu esa milliy madaniyatni saqlash va targ‘ib qilishda katta ahamiyatga ega.

Festival doirasida o‘tkazilayotgan tadbirlar, xususan, milliy liboslarni namoyish etish va ularning tarixiy ahamiyatini ta’kidlash, xalqimizning madaniy merosini kelajak avlodlarga etkazish imkonini beradi. Turizm qo‘mitasi xotin-qizlari tomonidan namoyish etilayotgan atlas va adras matolaridan tikilgan liboslar orqali milliy qadriyatlarimizni keng jamoatchilikka taqdim etish, albatta, o‘zining ijobiy natijalarini beradi.

Shuningdek, Oila va xotin-qizlar qo‘mitasi tomonidan festival o‘tkazish an’anasini davom ettirish, milliy liboslarimizda xalqimizning o‘tmishdagi urf-odat va an’analarini yanada boyitish uchun muhim qadamdir. Bu kabi festivallar madaniyatimizni yanada rivojlantirish va xalqimizning milliy o‘zligini saqlash uchun katta ahamiyatga ega.