Shahrisabz tumani Hisor davlat qoʻriqxonasi chegarasining 8 km.da  bir moʻ'jiza — mashhur Suvtushar sharsharasi bor. Mahalliy aholi uni “sut sharsharasi” deb atashadi. U mamlakatimizdagi eng baland va sersuv sharshara hisoblanadi. U dengiz sathidan 2000 m dan ortiq balandlikda joylashgan boʻlib, balandligi 84 metr yilning may-iyul oylarida har soniyada 5-6 kub metr suv otilib tushadi. Shu jarayonda hosil boʻlgan zarrachalar 250-300 metr, kuchli shamol esib turgan paytlarda 500-600 metrgacha sachrab tarqaladi va ajoyib mikroiqlim hosil qiladi. Sharshara Hisor togʻlarining moʻl-koʻl qor erishi davrida bahorda, ayniqsa, yorqin va oʻchmas taassurot uygʻotadi. Uni Angren kanyonidagi sharsharalar bilan solishtirish mumkin. Sharsharaning ovozi bir necha kilometrga eshitiladi. Muzlaganda gʻayrioddiy goʻzaldir.